kay hirap pala

Sa nagdaang kapanahunan sana'y batid mong sinisinta kita
Araw'y di pinalalampas kung di ka napaliligaya
Bawat saglit namang di ka nasusulyapan
Ay para bagang kay laking pagkukulang
---
Subalit ako'y pawang di napapansin
Kahit anong aking gawin upang magkalapit
Pagkat para sa iyo ako'y isang dayuhan lamang
Na nasasalubong mo sa iyong pagdaraan
---
Kaya't sinubok kong mawaglit ka sa isipan
Mag-isip ng ibang bagay na mas kagigiliwan
Mga bagay na papawi sa aking lumbay
Ngunit kay hirap pala na sa isip ko ika'y mawalay.